 |
|
|
 |
Y Cynulliad Cenedlaethol ar ei Newydd Wedd: Dysgu o Brofiad
Cynadleddau Undydd
Dydd Llun 13 Gorffennaf, Venue Cymru, Llandudno Dydd Iau 16 Gorffennaf, Canolfan yr Holl Genhedloedd, Caerdydd
Yng Ngorffennaf 2007, cyhoeddodd Cymru Yfory y llawlyfr ‘Cynulliad Cenedlaethol Cymru ar ei newydd wedd - canllaw’r’. Mae’r llawlyfr yn parhau i fod yn adnodd gwybodaeth unigryw, yn darparu ‘canllaw lleygwr’ i sut mae’r Cynulliad Cenedlaethol yn gweithio, gan alluogi pobl gyffredin i ddeall sut mae eu Cynulliad yn gweithio a sut allant ymwneud ag o a dylanwadu ar ei benderfyniadau.
Ddwy flynedd wedi i’r setliad datganoli presennol ddod i rym, mae Cymru Yfory yn bwriadu diweddaru’r llawlyfr, ac rydym wedi bod yn ffodus i sicrhau cefnogaeth y Gronfa Loteri Fawr i wneud hynny.
Bydd y ddwy gynhadledd “Dysgu o Brofiad Wedi Dwy Flynedd” yn gweld cyfranwyr sydd wedi cael profiad uniongyrchol o sut mae’r Cynulliad wedi gweithio dros y ddwy flynedd ddiwethaf yn rhannu eu profiadau ac arsylwadau, gan ddarparu cyfle dysgu gwerthfawr i’r rhai sydd am ddysgu mwy ynghylch sut mae’r Cynulliad yn gweithio a sut mae pwerau a gweithdrefnau'r Cynulliad wedi datblygu dros y ddwy flynedd ddiwethaf.
Bydd cyfraniadau i’r cynadleddau yn bwydo i mewn i fersiwn newydd o’r Canllaw Cynulliad.
CYFLWYNIADAU'R GYNHADLEDD
Yn dilyn y cynadleddau, rydym wedi derbyn sawl cais i'r cyflwyniadau fod ar gael ar-lein.
Isod gellir lawrlwytho y pedwar cyflwyniad a wnaethpwyd yn y ddwy gynhadledd.
The New National Assembly for Wales: Lessons from the First Two Years
Keith Bush, Cyfarwyddwr Gwasanaethau Cyfreithiol y Cynulliad Cenedlaethol
The Assembly’s New Processes and how Civil Society has Responded Geraint Talfan Davies, Cadeirydd yr IWA
From Theory to Practice: how Quasi-legislative Devolution Actually Operates Marie Navarro, Ysgol y Gyfraith Caerdydd
The View from the Voluntary Sector Jennifer Bradbury a Michelle Matheron, WCVA Lleisiau dros Newid
CANLLAW'R LLEYGWYR
Roedd y cynadleddau o fudd mawr wrth gasglu profiadau ac awgrymiadau a fydd o gymorth i ni wrth ddiweddaru Canllaw'r Lleygwyr.
Rydym yn parhau i groesawu awgrymiadau ac adborth: os oes gennych unrhyw syniadau ebostiwch ni ar cymruyfory@stratamatrix.co.uk
|
|
|
|
|